شیفالی جریوالا بھارتی شوبز انڈسٹری کی ایک معروف ماڈل، اداکارہ اور ٹی وی شخصیت تھیں جنہیں 2002 کے مقبول گانے ’کانٹا لگا‘ میں پرفارمنس کے بعد شہرت حاصل ہوئی۔ اسی مناسبت سے انھیں ’کانٹا لگا گرل‘ کہا جاتا تھا۔
شیفالی 15 دسمبر 1982 کو احمد آباد، گجرات میں پیدا ہوئیں۔ وہ کئی فلموں، رئیلٹی شوز اور ویب سیریز کا حصہ بھی رہیں۔ ایک فلم ’مجھ سے شادی کرو گی(2004)‘ اور 2020 کے بعد خوبصورتی، فٹنس اور اینٹی ایجنگ (Anti-Aging) مہمات کی بھی برانڈ ایمبیسیڈر بنیں۔
27 جون 2025 کو شیفالی کی اچانک اور مشکوک موت نے نہ صرف بھارتی میڈیا بلکہ پورے جنوبی ایشیا کے نہ صرف شوبز بلکہ دیگر تمام حلقوں کو ہلا کر رکھ دیا۔
واقعے کی تفصیل
بیالیس سالہ شیفالی جریوالا ستائیس جون کو ممبئی میں اپنی رہائش گاہ پر تھیں۔ انہوں نے بجے ہندو مذہبی عقائد کے مطابق ایک دن کا روزہ رکھا ہوا تھا۔ صبح تقریباً 10:00 لیکن اس دوران انہوں نے حسبِ معمول خوبصورتی اور جوانی برقرار رکھنے والی ادویات لینا شروع کیں۔
استعمال شدہ ادویات اور ڈرپس
شیفالی جریوالا نے جو ادویات استعمال کیں، وہ درج ذیل تھیں:
Glutathione drip (جلد کو صاف، چمکدار اور جوان رکھنے کے لیے)
Vitamin C drip
Multivitamin supplements
Collagen protein supplements
یہ تمام ادویات اور ڈرپس شیفالی گزشتہ کئی برسوں سے استعمال کر رہی تھیں، لیکن اس روز ان ادویات اور ڈرپس کا استعمال خالی معدے اور روزے کی حالت میں کیا گیا۔
جسمانی ردِعمل اور ہسپتال منتقلی
10:30 بجے ادویات لینے کے صرف 30 منٹ بعد شیفالی کی طبیعت اچانک خراب ہو گئی۔ وہ گھر میں بے ہوش ہو کر گر گئیں۔
اس وقت ان کے شوہر گھر پر موجود نہیں تھے، لیکن ملازمہ نے فوری طور پر اطلاع دی۔
11:15 بجے (یعنی تقریباً 45 منٹ بعد) انہیں قریبی اسپتال لے جایا گیا۔
ڈاکٹروں نے انہیں مردہ قرار دیا۔
شیفالی کی زندگی کے آخری لمحات میں کیا ہوا تھا؟
شیفالی کی قریبی دوست اور اداکارہ پوجا گھائی نے ایک انٹرویو کے دوران شیفالی کے آخری لمحات کے بارے میں بتایا ہے اور یہ بھی کہ اُن کی اپنے شوہر پراگ تیاگی سے آخری گفتگو کیا ہوئی تھی۔
پوجا نے بتایا کہ رات کے کھانے کے بعد شیفالی نے اپنے شوہر سے کہا کہ وہ اُن کے کتے کو چہل قدمی کے لیے لے جائیں۔ جیسے ہی پراگ نیچے گئے، گھریلو ملازمہ کی طرف سے انھیں فون کال گئی، جس میں بتایا گیا کہ شیفالی کی طبیعت ٹھیک نہیں ہے۔
پوجا گھائی کے مطابق، فون کال سن کر پراگ نیچے گراؤنڈ فلور پر کھڑے رہے تاکہ ملازمہ نیچے آ کر کتے کو لے جائے اور وہ اوپر جا سکیں۔ جیسے ہی ملازمہ نیچے آئیں، وہ فوراً واپس اوپر گئے۔ جب وہ فلیٹ میں پہنچے تو شیفالی کو بے ہوش پایا۔
پوجا نے مزید بتایا کہ پراگ نے انہیں بتایا تھا کہ جب وہ شیفالی کے پہنچے تو اُس وقت ان کی کی نبض چل رہی تھی، لیکن آنکھیں نہیں کھل رہی تھیں اور جسم جیسے مردہ ہو گیا تھا۔ اُسی وقت پراگ کو اندازہ ہو گیا کہ معاملہ سنگین ہے۔ وہ فوراً شیفالی کو اسپتال لے گئے لیکن اسپتال پہنچنے سے پہلے ہی وہ دم توڑ چکی تھیں۔
یہ بھی پڑھیے
اینٹی بائیوٹکس کا غیر ضروری استعمال کس قدر خطرناک ہوتا ہے؟
ہومیوپیتھک دوا کھانے سے پہلے ایک بات ضرور جان لیں
جب اُن سے پوچھا گیا کہ کیا شیفالی اینٹی ایجنگ ڈرپ لے رہی تھیں؟ تو پوجا نے تصدیق کی انہوں نے وٹامن سی کی آئی وی ڈرپ لگائی تھی لیکن یہ کوئی غیر معمولی بات نہیں ہے۔ یہ ڈرپس آج کل سب ہی لیتے ہیں۔ کووِڈ کے بعد لوگ باقاعدگی سے وٹامن سی لینا شروع ہو گئے ہیں۔ کچھ لوگ گولی لے لیتے ہیں اور کچھ لوگ آئی وی ڈرپ کے ذریعے لیتے ہیں۔ اور شفالی نے اسے ڈرپ کے ذریعے لیا تھا۔
ابتدائی میڈیکل اور پولیس رپورٹ
ابتدائی میڈیکل رپورٹ کے مطابق، موت کی ممکنہ وجہ Cardiac Arrest (دل کی دھڑکن کا اچانک بند ہو جانا) بیان کی گئی۔
ممبئی پولیس کو اسپتال انتظامیہ نے فوراً اطلاع دی، جس نے واقعے کے 30 منٹ کے اندر اداکارہ کے گھر کا دورہ کیا اور شواہد جمع کیے۔
ملازمہ، قریبی رشتہ داروں اور نجی میڈیکل کنسلٹنٹس سے ابتدائی پوچھ گچھ کی گئی۔
پولیس کو قتل یا خودکشی کے کوئی شواہد نہیں ملے۔
شیفالی جریوالا کی موت کا ممکنہ سبب، طبی ماہرین کا مؤقف
طبی ماہرین کا کہنا ہے کہ روزے کی حالت میں ایسی طاقتور ادویات اور انجکشنز لینا خطرناک ہو سکتا ہے۔
Glutathione اور دیگر ڈرپس جسم کے بلڈ پریشر اور الیکٹرولائٹس پر فوری اثرڈالتی ہیں۔
ممکن ہے کہ اداکارہ کا بلڈ پریشر خطرناک حد تک گر گیا ہو۔ دل کی دھڑکن متاثر ہوئی ہو اور دل نے کام کرنا بند کر دیا ہو۔ تاہم، یہ تمام اندازے حتمی پوسٹ مارٹم رپورٹ کے جاری ہونے تک قیاس ہی رہیں گے۔
سوشل میڈیا اور عوامی ردِ عمل
شیفالی جریوالا کے مداحوں کی بڑی تعداد سوشل میڈیا پر سوالات اٹھا رہی ہے کہ کیا ان کی موت ایک طبّی غلطی کے سبب ہوئی؟ کیا وہ خوبصورت رہنے کی دوائیں حد سے زیادہ استعمال کر رہی تھیں؟ یا پھر کیا شیفالی کسی ذہنی دباؤ یا دباؤ میں تھیں؟
شبہات کیوں پیدا ہورہے ہیں؟
1. پوسٹ مارٹم رپورٹ میں تاخیر
ممبئی پولیس کو شیفالی کی موت کی اطلاع رات 1 بجے ملی۔ اگرچہ پوسٹ مارٹم کے لیے لاش فوراً بھجوا دی گئی، تاہم اب تک موت کی حتمی وجہ جاری نہیں کی گئی۔ اس تاخیر سے لوگوں میں شکوک جنم لے رہے ہیں۔
2. خوبصورتی کی دواؤں کا اثر؟
شیفالی پچھلے کئی برسوں سے Glutathione، Vitamin C، اور collagen-based anti-aging treatments استعمال کر رہی تھیں۔
ایک ڈاکٹر نے NDTV کو بتایا کہ ان دواؤں کا براہ راست دل پر اثر نہیں ہوتا، لیکن دیگر جسمانی حالات کے ساتھ ان کا تعامل خطرناک ہو سکتا ہے۔
3. ایپیلیپسی (مرگی) کی تاریخ
شیفالی نے خود تسلیم کیا تھا کہ انہیں 15 سال کی عمر میں epilepsy کی تشخیص ہوئی تھی، جس کا تعلق ڈپریشن، دباؤ، اور ذہنی تناؤ سے بھی ہو سکتا ہے۔
Epileptic seizures کبھی کبھار جان لیوا ثابت ہو سکتے ہیں، خاص طور پر اگر اس وقت طبی مدد نہ ہو۔
4. سابقہ ازدواجی اور ذہنی دباؤ
ان کی پہلی شادی موسیقی کے گروپ "Meet Bros” کے Harmeet Singh سے تھی، جسے شیفالی نے "emotionally abusive” قرار دیا۔
اگرچہ 2009 کے بعد ان کی زندگی پراگ تیاگی کے ساتھ بہتر ہوئی، لیکن یہ بھی ایک پبلک، اسٹریس فل زندگی تھی۔
پولیس تحقیقات: مشتبہ حالات؟
پولیس اور فرانزک ٹیم واقعہ کی رات ہی اداکارہ کے گھر پہنچی۔
گھریلو ملازم اور باورچی سے پوچھ گچھ کی گئی۔
IANS کے مطابق پولیس اس موت کو "suspicious” (مشکوک) قرار دے کر ابتدائی تحقیقات کر رہی ہے۔
کوئی خودکشی نوٹ یا واضح دوا کی اوور ڈوز کے آثار نہیں ملے، لیکن حالات غیر معمولی ہیں۔
بہر حال تمام تر نظریں پوسٹ مارٹم رپورٹ پر ہیں جو اس واقعے کی اصل حقیقت کو سامنے لائے گی۔
تبصرہ کریں