حج بیت اللہ، عیدالاضحیٰ کی خوشیاں اور کورونا وائرس

فاتحہ مبین / گوجرہ :

کل میں امی جان اور چھوٹی بہنوں کے ساتھ عید کی شاپنگ کرنے بازار گئی. چھوٹی بہنوں کو عید کی خریداری کرتے دیکھ کر خوشی ہو رہی تھی. ان کے ننھے ننھے ہاتھ چوڑیوں اور مہندی کی طرف بڑھ رہے تھے. ان کی مسکراہٹ ان کے چہروں پر تھی.

مگر دل میں ایک ملال، پریشانی اور حیران کن سوالات اور خیالات تھے کہ کہیں اس وبا (سزا) میں اللہ تعالیٰ کی نا پسندیدہ جگہ پر آکر اللہ تعالیٰ کو ناراض تو نہیں کر دیا؟؟

اس سال ہمیں کورونا نے بتا دیا کہ زندگی انڑنیٹ، کپڑے اور فضولیات کو نکال کر بھی گزاری جا سکتی ہے. اللہ تعالیٰ کی طرف رجوع کر کے اللہ کو منایا جا سکتا ہے.

بکرا عید کے لئے بکرا لیں یا حصہ ڈالیں والدین اسی پریشانی میں مبتلا ہیں. اس کورونا نے ہماری زندگیاں بدل بدل ڈالیں، ہمارے پیاروں کو ہم سے چھینا.

عید کی خریداری کے دن اور حج پر جانے والے لوگ ایسے پلٹے کہ زندگی میں خوشی باقی نہ رہی ایسا محسوس ہوتا ہے۔

حج وہ اہم فریضہ ہے جسے اللہ تعالیٰ نے ہم پر فرض کیا ہے. وہ اس سال کورونا کی وجہ سے مختصر ہو گیا ہے ایسا دھچکا اور حیرت انگیز بات دل کو چیر جاتی ہے۔

بقرہ عید کی خوشیاں ختم۔
اللہ تعالیٰ جلد ہمیں اس عذاب سے نجات دلائے اور ہماری غلطیوں اور کوتاہیوں کو معاف فرمائے۔ آمین ثم آمین۔ جزاک اللہ خیرا