مصر کے سابق صدر ڈاکٹرمحمد مرسی

عمران خان نے ڈاکٹرمرسی کے انتقال پر تعزیتی بیان جاری نہ کیا

·

سوشل میڈیا پر شیئر کریں

مصری تاریخ کے پہلے منتخب صدر ڈاکٹر محمد مرسی کے انتقال پر ترکی اور قطر کے حکمرانوں کے علاوہ دنیا کے کسی مسلمان حکمران نے افسوس اور تعزیت کا اظہار نہیں کیا۔

حال ہی میں سعودی عرب میں مصر کے فوجی ڈکٹیٹر جنرل السیسی سے ملاقات کرنے والے پاکستانی وزیراعظم عمران خان کی طرف سے بھی اس نوعیت کا کوئی بیان جاری نہیں ہوا۔ یادرہے کہ جنرل السیسی کو ڈاکٹرمحمد مرسی کی جماعت اخوان المسلمون اور بین الاقوامی انسانی حقوق کی تنظیمیں ڈاکٹرمرسی کا’قاتل’ قرار دے رہی ہیں۔

ترکی کے صدر رجب طیب ایردوان کا کہنا ہے کہ میں برادرم شہید مرسی کی مغفرت کا دعا گو ہوں۔

سابق مصر صدر کے انتقال کی خبر کے بعد اخباری نمائندوں سے بات کرتے ہوئے صدرِ ترکی نے مصری عوام سے دلی طور پر تعزیت کی۔

انہوں نے اس بات کی یاد دہانی کرائی کہ محروم محمد مرسی کو مصر میں بغاوت کے ذریعے بر سرِ اقتدار آنے والے ظالم عبدالفتاح الاسیسی نے ان کے ہزار ہا ساتھیوں کے ہمراہ سالہا سال سے جیل میں قید کر رکھا تھا۔

ترک صدر نے ڈاکٹر محمد مرسی کی موت کا الزام مصر کے ’غاصبوں‘ پر عائد کیا جبکہ قطر کے امیر شیخ تمیم بن حماد ال ثانی نے نے ان کی موت پر ’گہرے دکھ‘ کا اظہار کیا ہے۔


سوشل میڈیا پر شیئر کریں

زندگی پر گہرے اثرات مرتب کرنے والی تمام اہم ترین خبروں اور دلچسپ تجزیوں کی اپ ڈیٹس کے لیے واٹس ایپ پر آفیشل گروپ جوائن کریں